Day 8- A Picture of a Plant/tree/flower

Kung halaman at mga kahoy ang paguusapan di matatapos ang post na ito sa dami kong pweding ibahagi .

Mahilig talaga ako sa halaman tulad ng aking palagay na ako ay dating pusa noon na naging tao.Minsan naiisip ko na ako ay isang damo din. Nagbibigay sila ng kakaibang  kaligayahan sa aking puso.

Tulad ng damong ito sa gilid ng port sa Mina Market nakita ko last Friday lang

Mina Port Abu Dhabi

At ang isang tumpok ng damong sa palagay ko ay nabuhay dahil sa isang galong tubig na natapon.

At ang damong ito malapit sa aming" campo ng  pagasa"

Mafraq, Abudhabi

May malaking bahagi sila ng aking buhay na di  ko pweding tangalin sa aking sestema.Kaya wag kang magtataka na mapuno ng kung ano anong halaman ang aking kwarto dito sa Abu dhabi.

Naaalala ko kasi ang mga halaman sa aming lugar sa Probinsiya .

wild fruit di ko alam ang pangalan

Giant Gabi di ko rin alam ang pangalan Palawan yata.

At ang malawak na carbao grass sa harapan ng bahay namin school playground yan. Sa hapon diyan ako gumugulong gulong noong bata pa ako.

Day 6- A Picture of Your Dream House

Design ng house na gusto ko.Simple pero maganda ang tikas ng dating.

Gusto ko paglabas ko ng bahay may gubat na maganda at may batis.

At matatanaw ang isang malawak na bukirin.

Mas gusto ko ang nasa gitna ng bukirin amoy damo, presko. Malayo sa dagat dahil ayoko ng amoy malansa at malagkit sa balat. Maselan kasi ang mata ko at balat kaya gusto ko ng malimlim parang tulad ng sa probinsiya namin parang di sumisikat ang araw.
Kaya ginawa ni Papa God na Malimlim ang aming baryo dahil sa akin. Yon ang alam ko. Kasi perfect ang climate ng lugar namin sa pangangailangan ko.

Re-Post ko ulit ang mga eksena sa aming baryo.

Ang kalsada papasok sa amin

Ang likod bahay

Ang ilog 100 meters away

Saan ka pa?

Madramang Umaga.

Namamangha ako at namimilog ang aking mga mata sa napakagandang luntiang paligid malimlim ang umaga, malamig ang simoy ng hangin. Mamasa-masa ang mga dahon at damo.Tahimik ang paligid maliban sa huni ng ibon at lagaslas ng tubig sa batis sa magkabilang pangpang.

Ubod ng payapang nakahiga sa damuhan.Nakangiting pinagmamasdan ang sikat ng araw sa paligid na tumatagos sa mga sanga at mayayabong na dahon ng punog kahoy at mga saging. Ang mga paru -parung ligaw animoy mga anghel sa langit ay tuwang tuwang sinusundan ang liwanag papaakyat,paparoon 't paparito.Tulad ko ang dampi ng liwanag ay nakakahalina di masakit sa aking balat at hindi ito nakakasilaw sa aking mga mata.

"Donnnnn ?.Nono...?" pummailanlang sa kawalan, ang boses ni mamang - endearment na tawag niya sa akin tinatawag ako.

Nagising akong naghahabol ng hininga
Bago ko pa man makita si mamang sa aking panaginip.
Parang totoong totoo dinig na dinig ko ang boses niya.

Nalungkot ako na miss ko bigla si mamang. Nagpray na lang ako at di na ako nakatulog ulit pag ganiton nalalapit ka ng magbakasyon kung ano ano na ang naiisip mo.

Sana mabasa ito ng aking amo na gustong e move ang aking bakasyon ng July na dapat ngayong May na.Hindi lang siya ang nangangailangan ng aking presensiya meron pang iba.Kung di niya makaya ang isang buwan mawala ako sa kanyang paningin ganon din ang iba.Ang lagay sosoluhin niya ako.( drama lang sos -feeling important).

napansin niyo . I love morning light filtering from the trees



I just love looking at them kasi yan ang alam kong sikat ng araw sa probinsiya namin. Di tulad dito sa AbuDhabi nakakasunog ng balat at masakit sa mata.

Sa kaalaman ng lahat sa aming probinsiya di ka makakapag patuyo ng damit ng isang bilaran lang.Uso doon ang tagiptip sa damit. tinutubuan ng molds ang mga damit bago ito matuyo kaya sayang ang mga branded mong damit kung wala kang drier. Ang mga libro inaamag at ang picture natutunaw..

ang sikat ng araw laging makulimlim kahit di umuulan.

Tulad nito alas 10 na ng umaga yan.

Salamat sa pag tiyagang pagbasa.

Eksenang Probinsiya

Mga batang umaakyat ng bayabas

Batang maglalaro ng gulong

Pinapalo ang gulong habang tumatakbo

Kalabaw at Ang pakapang

Na miss ko lang ang mga dating simpling buhay nga ganito. Buti na lang nakita ko pa rin ito noong last kong uwi sa aming probinsiya noong 2009 habang naghihintay ng trysikel papuntang bayan.

Siuton River

Siuton River? di niyo alam yan.
Probinsiyang kinalakihan ko yan, dulo na ng Sorsogon. Libtong ang tawag sa malalim na bahagi ng ilog.Noong bata pa ako iilan lang kaming nakatira sa lugar na ito.Kung kaya kung sino ang nakatapat na bahay sa parte ng ilog na yan sila na nagmamayari paliguang na ito. Pagkatapos maligo aakyat sa sa malaking puno ng baligang Ni Noning sa pangpang saka kakaripas ng takbo pag nahuli ng may ari.Ganon kami noon panahon namin pero iba-ibang iba na ngayon.

Noong umuwi ako sinadya kong kuhanan ang bahaging ito. Napansin ko lang masukal na ang lugar wala ng naliligong bata may mga shower na kasi ang bahay sa amin sosyal na sila at nakatutok lang sila sa TV maghapon. Kung taga dito ka naaalala mo ba ang malaking puno ng baligang (parang duhat pero bilog at mas matamis nandoon pa rin siya walang pagbabago.

Ang sarap balikan ng simpling buhay probinsiya.


Cropping mode. Practice lang.