"Jay" An Angel in disguise

Isang mabilisang Rewind

Isang eksena sa buhay ni Diamond R maraming taon na ang nakakaraan.
Jasmin Hostel Ramon Magsaysa Blvd.Center Island,Sta.mesa. Umagang kay ganda.

Tudo ang birit sa pagkanta ng pagkalakas lakas na Lupang Hinirang (para matawa kayo ng imagine ang kontrobersyal na version ni Martin Nievera)with all power and emotions na pwede niyong maimagine pero wala sa tuno. Ganon nga.

Humataw ng kanta pag matindi pangangailangan at desperado.Magagawa mo rin yan.Makakalimutan mo ang iyong sarili Hala birit walang hiya -hiya.Panandalian tumigil ang paligid ako lang ang pinapanood walang pakialam. Sabay kumaripas ng takbo pagkatapos. Hinahabol ang ilang minuto nalang late na ako sa final exam sa isang walang patawad kong profesor sa isang major na subject.
Pinagbayaran ko na ang lecheng violation na ito wag lang bumagsak sa isang subject

Nag Jay walking ako for the first time. di ko na naitanong kong tama bang pakantahin ako ng Bayang magiliw perlas ng silanganan..... pero carry na rin kasi madali lang kaysa ang magsayaw.

Na share ko lang.

Back to present to present

labas ng liwa center,Hamdan

Hamdan street

Kahapon.Paglabas ko ng Liwa Center sa Abu Dhabi City.Nagulat ako sa 4 filipino mga mukhang mga jologs na nagkakatuwaan sa labas. Curious ako bakit ang saya saya nila tawanan sila ng tawanan parang may pinagmamasdan wala naman akong makitang di pangkaraniwan sa paligid.Pag daan ko sa harap nila tiningnan lang ako na parang nakakita lang ng isang ordinaryong tao.(men kung alam niyo lang sikat kaya akong blogger). Joke lang pero naramdaman ko yan ng slight di ako sanay na walang chaos na nagaganap pag labas ko parang Manny Pacquiao lang ang dating.Sos drama lang.

Nagpatuloy ako doon sa malapit sa kalsada ang linis walang mga tumatawid.Walang tao maliban sa isang local na naka civilian ng polong puti nakatayo di kalayuan sa akin. Nakikiramdam lang ako iniisip ko ang pharmacy na nasa kabilang kalsada.May batang tumawid tumatakbong papalapit sa amin.Biglang hinuli ng naka civilian lalaki sa tabi nagulat ako sabay labas ng ID niya CID yata or Police basta sabi niya sa bata "may ID ka".Habang ang bata ay nagkakamot binalingan ako ni officer ng mahinahon sabay sabing wag kang tatawid bawal dito.

Patay malisya akong dali daling naglakad papalayo.Muntikan na.Sabay hi at ngiti sa sa mga pinoy na nakanganga gulat anong nangyari? "This is a big Fail di si siya nahuli, Di ito dapat there is something wrong here. Why?"(imahinasyon ko lang ulit)

Yon pala ang pinagkakatuwaan nila.mga walang hiya. ang mga nahuhuling walang kamalay malay na Jaywalker. Ang nasa isip nila ng dumaan ako sa harap nila kanina " humanda ka, you are next man.come on!"

Nalungkot lang ako na may mga kabayan tayong pwedi naman magbitiw ng "hoy! p...namo kabayan may nanghuhuli diyan wag kang tatawid" pero mas masaya silang nakikita nila ang mga kababayan nilang hinuhuli tuwang tuwa sila sa eksenang ito.Parang isda lang na sumabit sa bitag at maipanguulam na.

Wag kayong magtataka meron talagang ganito.Masanay na kayo.

Sinilip ko ang sarili ko sa salamin pinagmasadan ang sarili tsk,tsk di yata mukhang kabayan ang dating ko ngayon. Chinese, Japanese,bangladeshi, or Nepalese. o nasobrahan ka lang sa porma ng kayabangan kaya nagmukhang masarap hulihin sa bitag.

Buti pa si local kahit trabaho niyang manghuli at nagtatago sa kanyang tunay na identiy gumawa ng isang nakakalugod na hakbang,Alhamdulilah.

Sometimes Angels are in disguise kaya di mo rin masasabi.I called him
"Jay"
Si God to the rescue.Thank you .

Si Jay_rulez tulad niya nakahide04.blogspot.com din siya.Bagay nga sa kanya ang Jay.What do you think?

Warning : Tumawid sa tamang pedestrian sa UAE kung ayaw mong magbayad ng 200 dh fine.
Maging maingat para sa iyong kaligtasan ito.Wag matigas ang ulo.Wag tawid ng tawid.